လူတိုင်းလူတိုင်းဟာ အချိန်တန်အရွယ်မရောက်ခင် လူမှန်းသိတတ်တဲ့အရွယ်ကစလို့ ကိုယ့်ပိုင်အိမ်လေးနဲ့နေထိုင်ဖို့ ရည်မှန်းထားခဲ့ကြုံမှာပါ။ ကိုယ့်ရဲ့ ဓနအင်အားအပေါ်မှာ မူတည်လို့ တတ်နိုင်တဲ့အိမ် အမျိုးအစားအလိုက် ရိုးရိုးသစ်သားနဲ့ဆောက်တဲ့အိမ်၊ နံကပ်တိုက်၊ သံကူကွန်ကရစ်တိုက် စသဖြင့် တခါလောက်တော့ အနဲဆုံး ဆောက်ဖို့ကြုံလာမှာပါ။ အဲဒီအချိန်မှာ သိသင့်တဲ့ ဗဟုသုတလေးတွေကို အင်ဂျင်နီယာအမြင်လေးနဲ့ ပြောပြချင်ပါတယ်။ ကျနော်အဓိကထား ပြောချင်တာက သံကူကွန်ကရစ်နဲ့ အိမ်လေးကိုဆောက်တဲ့ အကြောင်းပါ။ ပုံမှန် ဆောက်လေ့ရှိတဲ့ သစ်သားအိမ်၊ နံကပ်တိုက်လောက်ကတော့ ပြဿနာမရှိပါဘူး။ ဒီလိုပဲ ကိုယ်ကြိုက်တဲ့ ပုံစံလေးကို စိတ်ကူးယဉ်ပြီးတော့ လက်သမားဆရာ၊ ပန်းရန်ဆရာနဲ့ ဆောက်လိုက်ရုံပါပဲ။ အဲဒီအထိက ပြဿနာမရှိဘူးပေါ့။ သံကူကွန်ကရစ်နဲ့ ဆောက်ပြီဆိုရင် စဉ်းစားစရာတွေ များလာပါတယ်။ ဘာလို့လည်းဆိုရင် ငွေရေးကြေးရေးအရ လည်း ပိုပြီးကုန်ကျသလို နည်းပညာလည်းပဲ လိုအပ်လို့ပါ။ ဖြစ်သင့်တာကတော့ ကိုယ့်အိမ်ပုံစံလေးကို ကိုယ့်လိုအပ်ချက်လေးတွေကို ပြောပြပြီးတော့ ဗိသုကာတစ်ယောက်ဆီမှာ ပုံကိုအရင် ဆွဲခိုင်းရပါတယ်။ ပြီးမှ ဗိသုကာပုံကို အခြေခံပြီးတော့ အင်ဂျင်နီယာကနေပြီးတော့ ဒီနေရာကတော့ ထုတ်အရွယ်အစားကို ဘယ်လောက်သုံးမယ်၊ အဲဒီထုတ်ကို သံချောင်းဘာအရွယ်အစား၊ ဘယ်နှစ်ချောင်းထည့်မယ် ဆိုတာတွေကို တွက်ချက်ပေးရပါတယ်။ အဲဒီပုံစံထွက်လာကာမှ ပန်းရန်ဆရာ၊ လက်သမားဆရာ၊ သံချည်ကွေးဆရာတွေကို လုပ်ငန်းစတင် အကောင်အထည်ဖော်ရမှာပါ။ အရပ်ထဲမှာ အိမ်ဆောက်တဲ့သူတွေ တော်တော်များများဟာ သံကူကွန်ကရစ်( အာစီ) အဆောက်အဦး ဆောက်ရင်လည်းပဲ ပန်းရန်ဆရာ၊လက်သမားဆရာကိုပဲ အပ်ပြီးဆောက်တဲ့ အလေ့အထတွေ အခုအချိန်ထိရှိနေတုန်းပါပဲ။ ကျနော်ဆိုလိုတာက ပန်းရန်ဆရာ၊ လက်သမားဆရာနဲ့ လုံး၀မဆောက်ရဘူးလို့ အစွန်းရောက်စွာနဲ့မဆိုလိုပါဘူး။ ဘာမှအရေးမကြီးတဲ့ အဆောက်အဦးမျိုးကိုတော့ ဆောက်ချင်ဆောက်လို့ရပါတယ်။ ဒါပေမဲ့ နှစ်ထပ်ကျော်လို့ သုံးထပ်ဖြစ်လာပြီ ဆိုရင် အင်ဂျင်နီယာရဲ့ ကြီးကြပ်မှုတွေ ရယူဖို့လိုအပ်ပါတယ်။ မလိုပါဘူးကွာ၊ ဒီလိုပဲဆောက်လာတာ ဘာမှမဖြစ်ပါဘူးလို့ စောဒက တက်ကောင်းတက်ပါ့မယ်။ ဒါပေမဲ့ ဒါဟာ နည်းလမ်းမှန်မဟုတ်ပါဘူး။ ………ဘာကြောင့်ပါလဲ။

Read More>> “အိမ်လေးတွေဆောက်မယ်ဆိုရင်…..” »